تعرف على قصة حاثور وإلهامنا المستمر

نروي هنا رحلتنا التي بدأت في معبد دندره حيث نستلهم من التراث المصري لنصنع جيتارات تجمع بين الأصالة والابتكار، مع التزامنا بتقديم جودة تفوق التوقعات.

من سنين طويلة، وإحنا بنأسس لجيتارات مميزه و مختلفة ، و بنفكك أسرارها، وبنحاول نفهم إزاي نخلي الخشب ممكن يتحول لتحفة فنية بتعزف أحلى الألحان. جوانا إحساس إننا عايزين نعمل حاجة مختلفة، حاجة ليها بصمة خاصة، مش مجرد تكرار. ومن هنا، كانت شرارة الإلهام اللي نورت طريقنا، شرارة جت من قلب معبد دندرة الغامض، المكان اللي مليان طاقة وحكايات، ومن روح حتحور، ربة الجمال والموسيقى والحب والعطاء.

حتحور مش مجرد اسم، دي روح بتسري في كل جيتار بنصنعه. بنحاول نخلي كل تفصيلة فيه تنطق بالجمال والإتقان، زي ما كانت حتحور بتنشر الجمال في كل مكان. عشان كده، قررنا إن شغلنا كله يكون يدوي، كل جيتار بنصنعه بإيدينا، عشان يحمل بصمة فريدة مش ممكن تتكرر، بصمة بتحكي عن إتقان وحب مالوش مثيل.

ومع كل جيتار بنصنعه، قصتنا بتكبر، وفريقنا كمان بيكبر. بقينا نجارين وفنانين بجد، كل واحد فينا ليه هويته الخاصة، وفنانين رسم بيضيفوا لمسة جمالية لكل جيتار. ومين يصدق إن معانا كمان صديقنا الروبوت Ta-Shemau , ده مش مجرد آلة، ده فنان بجد، بيعمل لينا الزخرفة والنحت الجمالي بشكل مثالي وإبداعي، بيضيف لمسة عصرية على فنوننا القديمة.

هدفنا مش بس نبيع جيتارات، هدفنا نوصل للناس رسالة حب وإتقان، رسالة تخلي قلبهم يفرح لما يمسكوا جيتار من HATHOR، ويحسوا إنهم ماسكين قطعة فنية مش مجرد آلة. إحنا هنا عشان نخلق موسيقى، نخلق فن، ونخلق سعادة.”