HATHOR

اكتشف رحلتنا في صناعة الجيتارات النابضة بالإبداع

يبرز هذا القسم قيمنا العميقة ورؤيتنا التي تستمد قوتها من التراث المصري لابتكار مستقبل موسيقي ملهم.

قصتنا: نغمة الفخر المصري تعدي الزمان!

بقالنا سنين طويلة بندرس ونبحث، كان حلمنا الوحيد اللي مفيش زيه: إننا نعمل حاجة مظبوطة ومتقنة وصح من أول مرة. قلوبنا كانت بتقلق وخايفين نطلع أي حاجة متليقش بكلمة “صنع في مصر”. إزاي هنعلي الشعار ده اللي في دمنا، ونعكس أصالة وعظمة حضارتنا في كل قطعة نعملها؟

وبعدين جت اللحظة اللي غيرت كل حاجة… من جوه أسوار معبد دندرة العظيم، وبين همسات التاريخ العريق، لقينا الإلهام بيتجسد في جمال وعظمة الإلهة حتحور. روحها الساحرة، نتر الحب والموسيقى والفرح، كانت بتوشوشلنا إن الفن المصري والاتقان جواكم . وإن الإبداع بيطلع من جذور الأرض العميقة الي هي في جيناتكم . هنا، الرؤية وضحت: إننا نرجع مشروع صناعة الآلات الموسيقية المصرية تاني، خصوصًا الجيتارات الكهربائية اللي كانت في خيالنا، مش بس بروح الماضي، لأ ده بحداثة تليق بالمستقبل.

دي مش مجرد صناعة، دي رحلة شغف وابتكار. جمعنا فريق ميتوصفش من المحترفين والحالمين؛ كل واحد فيهم شايل في قلبه شغف الموسيقى وفخر الانتماء للأرض دي. وموقفناش عند الإلهام البشري، ده إحنا استقبلنا المستقبل، فدخلت الروبوتات عالمنا، عشان تشتغل جنب إيدين خبرائنا، وتضمن دقة مبتتكررش وجودة تفوق كل التوقعات.

أهو إحنا النهارده، بنمشي بثقة وعزيمة، عشان نقدم للعالم منتج مصري جديد بيجمع بين أصالة الفن العريق وروعة التكنولوجيا الحديثة. كل جيتار بنعمله مش مجرد آلة موسيقية، لأ دي قطعة فنية بتحكي حكاية، وبتنبض بروح مصر.

هدفنا مش بس نصنع آلات، لأ هدفنا نصنع إحساس بالفخر. فخر فينا كلنا، من اللي بيصنع لحد اللي بيعزف، ومن كل اللي بيشوف أو بيعزف على حاجة مكتوب عليها “صنع في مصر” بكل حب وإتقان.

يلا انضموا لينا في الرحلة الشيقة دي، وخلوا نغمات الفخر المصري تدوي في كل مكان!